ఆలించు మా ప్రార్థన మా రక్షకా యాలించు మా ప్రార్థన నాలింతు
వని నమ్మి యాసక్తి వేఁడెదము మేలైన దీవెనలు మెండుగాఁ
గురిపించి ||యాలించు||

1. ఈ సదన మర్పింతుము మా ప్రియ జనక నీ సుతుని దివ్యాఖ్యను నీ
సేవకై మేము నెనరుచే నొసఁగు ని వాసము గైకొని వర కరుణచే నిప్పు
||డాలించు||

2. ఇందుఁ గూడెడు భక్తుల డెందము లనెడు మందిరంబుల నాత్మచే
పొందుగ నివసించి పూర్ణుఁడ వగు దేవ యంద మైన సుగుణ
బృందంబుతో నింపి ||యాలించు||

3. ఇచ్చట శుభవార్తను విచ్చల విడిగ వచ్చి వినెడు పాపులఁ జెచ్చెర
రక్షించి యిచ్చి శుద్ధాత్మను సచ్చరిత్రులఁ జేసి సాంద్ర మగు కరుణచే
||నాలించు||

4. నభము నేలెడి తండ్రి యిచ్చోటను శుభవార్త బోధించెడు ప్రభు
యేసు సేవకులు సభకు మాదిరు లగుచు సభ వృద్ధి నొందింప శక్తి
వారల కిచ్చి ||యాలించు||

5. చుట్టు నుండెడు నూళ్లలో శుభ వాక్యంబు దిట్టముగఁ బ్రకటింపఁ గఁ
పట్టు గల్గెడివారి బంపి యిచ్చటనుండి దట్టమగు నీ ప్రేమఁ దగినట్లు
తెలిపించి ||యాలించు||