ఆరాధింతు ఆత్మరూప
ఆత్మతో సత్యముతో     (2)
నేను నిన్ను స్తోత్రించుటకు
నీవె కారణభూతుడవు  (2)

1. ఊరి వెలుపలగా నే నుంటి
దారి ప్రక్కను పడియుంటి  (2)
ఘోర వ్యాధితో బాధ పడగా
చేరి నను కరుణించితివి    (2) 
                       ||ఆరాధింతు||
2. నాదు పెదవులు అపవిత్రములు
నాదు పాదములపవిత్రం..  (2)
కొంత కాదు కొన్ని కాదు
మొత్తమంతా దోషములే  (2) 
                       ||ఆరాధింతు||
3. ఇష్టపడితివి నను రక్షింప
కష్టపడితివి కలువరిలో  (2)
శుద్ధికలుగుట చూడగానే
బుద్ధి కలిగెను స్తుతియింప  (2)
                       ||ఆరాధింతు||
4. దంచి విసరి నలిపి కాల్చ
రొట్టె యాయెను గోధుమలు  (2)
అట్టి నీదు దేహమునకు
రొట్టెనిడితివి సూచనగా  (2) 
                       ||ఆరాధింతు||
5. నాదు చేదును త్రాగిన వాడ (యేసు)
క్రోధ పాత్రను త్రాగితివా  (2)
రక్త  గుర్తుగా పాత్రనుంచినా
మధుర ప్రేమకు స్తోత్రములు  (2)
                       ||ఆరాధింతు||