అద్యంత రహిత ప్రభువా
రాజులకు రాజా ప్రభు యేసూ నీవే సదా
1. ఆది జనకుడు ఏదేను తోటలో - శోధనలో పడి వేధించినపుడు
ఆశలన్ని అడిఆశలుగా జేసె - అధములను నీవు ఆవరింతువు
అమృతమూర్తి నీవే - ప్రభూ - సాటి నీకెవరు?
2. స్థానము విడచి తన మహిమ విడచి - అనుదినము నిను దూషించు వైరి
ప్రధానత్వమును పాదుచెసికొని - నీ ప్రభుత్వమున్ నిరాకరించిన
నీచున్ ప్రేమించితివి - ప్రభూ - సాటి నీకెవరు?
3. పిలిచితివి ఇశ్రాయేలు సంతతిని - వేలకొలది వాగ్దానములతో
కలిమియందున కలతలందున - తొలగిపోయిన తల్లడిల్లిన
చల్లగా కాచితివి - ప్రభూ - సాటి నీకెవరు?
4. రాజ్యమేలిరి రారాజు లెందరో - రాజనగరుల రత్నాల సిరులతో
రాజ్యకాంక్షతో రణములు సలిపిరి - రథములను చూచి సదయున్ మరచిన
నిత్య సాత్వీకుడవు - ప్రభూ - సాటి నీకెవరు?
5. పరమ జనకుని పలు వాక్కు లెన్నియో
ధరను ప్రజలను ప్రవచించు కొరకై
నిర్ణయించితివి దైవజనులను - పేరాశ కలిగి పెడత్రోవ నడచిన
కరుణించితివి వారిన్ - ప్రభూ - సాటి నీకెవరు?
6. పాడెదన్ ప్రభూ నీ ప్రేమగీతం
పడిచెడిన నన్ను ప్రేమించితివివని
కడిగిన ప్రభు - కలుషమునెల్ల - విడచిన నేను నీ జాడలన్నియు
నడిపించె నీవికుడు - ప్రభూ - సాటి నీకెవరు?