అమర లోకనాథుడా అంతమే లేనివాడ
సర్వలోకనాథుడా ఆది మద్యాంత రహితుడా  (2)
సకల జనులకు ఆరాధ్యుడవు
సృజన శీలుడ శుభకరుడా  (2)

నీవే నా సర్వము నీవే నా జీవము
నీవే నా ఆరాధన యేసయ్య   (2)  || అమర ||

1. శూన్యములో భూమిని వ్రేలాడదీసితివి
అగాధ జలములను రాసిగా పోసితివి  (2)
నిన్నశ్రయించిన నీ జనులకు అద్భుతాలే చేసితివి
అసాధ్యమైన వాటిని సాధ్యము చేసితివి  (2)  || నీవే ||

2. సర్వలోకమును సృష్టించిన వాడవు
మానవజాతికి నిర్మాణ కర్తవు   (2)
మనుషులపై ప్రేమతో సిలువ త్యాగమే చేసితివి
విశ్వసించిన వారికి రక్షణ నిచ్చితివి (2)  || నీవే ||

3. ప్రళయ జలములపై ఆసీనుడా యేసయ్య
నిత్యము రారాజుగా మా మధ్య నిలచితివి  (2)
నిను వెంబడించిన నీవారికి మోక్షమార్గమే చూపితివి
సుఖ సౌఖ్యాలతోఆశీర్వదించితివి (2)  || నీవే ||