బహు సౌందర్య సీయోనులో
స్తుతిసింహాసనాసీనుడా – (2)
నాయేసయ్య నీ ప్రేమ పరిపూర్ణమై
నా హృదయాన కొలువాయెనే
ననుజీవింపజేసే నీవాక్యమే
నాకిలలోన సంతోషమే

1. పరిశుద్ధతలో మహనీయుడవు
నీవంటిదేవుడు జగమునలేడు (2)
నాలో నిరీక్షణ నీలో సంరక్షణ
నీకే నాహృదయార్పణ (2)   ||బహు||

2. ఓటమినీడలో క్షేమములేక
వేదనకలిగిన వేళలయందు (2)
నీవు చూపించిన నీ వాత్సల్యమే
నాహృదయాన నవజ్ఞాపిక (2)   ||బహు||

3. ఒంటరిబ్రతుకులో కృంగినమనసుకు
చల్లని నీచూపే ఔషధమే (2)
ప్రతి అరుణోదయం నీ ముఖదర్శనం
నాలోనింపెను ఉల్లాసమే (2)   ||బహు||