పల్లవి:
చూడుము గెత్సెమనె - తోటలో నా ప్రియుడు

పాపి నాకై విజ్ఞాపన చేసెడి - ధ్వని వినబడుచున్నది

1.
దేహమంతయు నలిగి - శోకము నొందినవాడై

దేవాది దేవుని ఏకసుతుడు పడు - వేదనలు నా కొరకే
...చూడుము...

2.
తండ్రి యీ పాత్ర తొలగన్ - నీ చిత్తమైన యెడల

ఎట్లయినను నీ చిత్తము చేయుటకు - నన్నప్పగించితివనెను
...చూడుము...

3.
రక్తపు చెమట వలన - మిక్కిలి బాధనొంది

రక్షకుడేసు హృదయము పగులగ - విజ్ఞాపనము జేసెనే
...చూడుము...

4.
ముమ్మారు భూమి మీద - పడి మిక్కిలి వేదనచే - మన

యేసు ప్రభువు తానే వేడుకొనెను - పాపుల విమోచన కొరకే
...చూడుము...

5.
ప్రేమతో కూడిన వాక్కులచే - ఆదరించెడి ప్రభువు

వేదన సమయమున ఆదరించువారు - లేక బాధనొందెను
...చూడుము...

6.
నన్ను తన వలె మార్చెడి - ఈ మహా ప్రేమను

తలచి తలచి హృదయము కరుగగా - నే సదా కీర్తించెదను