దైవతనయా క్రీస్తునాథుండా – అయ్యా

పాపులకై ప్రాణమిచ్చితివా

దేవుడే నిను పంపినాడా (2) || దైవ ||

1. పాపులకై వచ్చినావా

పాపులను కరుణించినావా (2)

ప్రాణదానము చేసినావా

దేవా – పరలోకము తెరచినావా (2) || దైవ ||

2. కల్వరిలో కార్చినట్టి

దివ్యరక్తముచే మమ్ము (2)

కడిగి పావన పరచినావా

దేవా – కడకు బూరతో రానై యున్నావా (2) || దైవ ||

3. మరణము జయించినావా

మరణముల్లు విరచినావా (2)

మహిమతోడ లేచినావా

దేవా – మాదు చింతలు దీర్చినావా (2) || దైవ ||

4. ధరణిలో అతి దుష్టులముగా

దారి తెలియక దూరమైతిమి (2)

ధరణికే ఏతెంచినావా

దేవా – ధన్యులనుగా జేసినావా (2) || దైవ ||

5. ఆదియంతము లేనివాడా

అందరికిని దేవుడవు (2)

అల్ఫయు ఓ మేగయు నీవేగా

యేసు – ఆర్భటించుచు రానై యున్నావా (2) || దైవ ||