దేవాది దేవా ప్రభువుల ప్రభూ
రాజుల రాజా హల్లెలూయ
1. నీ రక్తముతో విమోచించి - నీ రక్తముతో సంపాదించి
పరలోక రాజ్య ప్రజలతో జేర్చి - పరలోక పాటన్ నా కొసగితివి
2. జీవిత నావలో తుఫాను రేగ - భయపడకుడని అభయము నిచ్చి
జయప్రదముగా నన్ను నడిపించి - జయజీవితము నా కొసగుచున్న
3. పేరు పెట్టి నన్ ప్రేమతో పిలచి - కరుణతో నీ సొత్తుగా నన్ను జేసి
అరమర లేక నన్నాదరించి - పరలోక దర్శనంబిచ్చితివి
4. మరణ పాత్రులం యిద్ధరణిలోన - దురిత ఋణముల స్మరణను మాన్పి
ఏర్పరచుకొంటివి నేర్పుతో మమ్ము - నీ రాజ్యమందు రాజులన్ జేసి
5. శోధనగాధల కష్టములలో - నా దుఃఖములలో నే నేడ్వకుండా
నీ దయ నాపై నిండార నింపి - ఓదార్చి నన్ను నీ దారినడుపు
6. ప్రతి వత్సరము దయతోడ నింపున్ - ప్రభు జాడలు సారము జల్లున్
ప్రతి బీడునూ సారము చిలకన్ - ప్రతి పర్వతము ఆనందించున్
7. పరలోక పరశుద్ధ సంఘంబు యెదుట - సర్వశక్తిగల క్రీస్తుని యెదుట
పరలోక నూతన గీతము పాడ - జేర్చితివి నన్ నీ జనమునందు