దేవుని ప్రేమఇదిగో - జనులారా భావంబునందెలియరే
కేవలము నమ్ముకొనిన - పరలోక జీవంబు మనకబ్బును ||దేవుని||

1.సర్వలోకము మనలను తన వాక్య సత్యంబుతో జేసెను
సర్వోపకారుడుండె - మన మీద జాలిపరుడై యుండెను ||దేవుని||
2.మానవుల రక్షింపను దేవుండుతన కుమారుని బంపెను మన
శరీరము దాల్చెను ఆ ప్రభువు మన పాపములకు దూరుడే ||దేవుని||
3.యేసు క్రీస్తును పేరున రక్షకుడు వెలసినాడిల లోపల దోస
కారిజనులతో - నెంతో సు - భాషలను బల్కినాడు ||దేవుని||
4.పాపబారంబుతోడ నేప్రొద్దు - ప్రయాసములు బొందెడి
పాపులందురు నమ్మిన - విశ్రాంతి - పరిపూర్ణ మిత్తుననెను ||దేవుని||
5.సత్తులైన పురుషులైనన్‌ - యాకర్త సర్వజనుల యెడలను
సత్ప్రేమగ నడిచెను - పరలోక సద్భోదలిక జేసెను ||దేవుని||
6.చావు నొందిక కొందరిన్‌ - యేసుండు - చక్కగ బ్రతికించెను
సకల వ్యాధుల రోగులు - ప్రభునంటి - స్వస్థంబు తా మొందిరి ||దేవుని||
7.గాలి సంద్రపు పొంగులన్‌ - సద్ధణపి - నీళ్లపై నడచినాడే
మేలుగల యద్భుతములు ఈలాగు వేలకొలదిగజేసెను ||దేవుని||
8.చేతుల కాళ్లలోనూ రా రాజు - చేర మేకులు బొందెను
పాతకులు గొట్టినారే పరిశుద్ధ నీతి తామోర్వ లేకన్‌ ||దేవుని||
9.ఇన్ని బాధలు బెట్టుచు - దను జంపు - చున్న పాపరులను
మన్నించుమని తండ్రిని యేసుండు సన్నుతితో వేడెను ||దేవుని||
10.రక్షకుడు శ్రమబొందగా దేశంబు తక్షణము చీకటియ్యెను
రక్షకుడు మృతి నొందగా - తెర చినిగి - రాతి కొండలు పగిలెను|| దేవుని|
11. రాతి సమాధిలోను - రక్షకుని నీతిగల దేహంబును - పాతి
పెట్టిరి భక్తులు - నమ్మిన నాదలందఱు జూడగా ||దేవుని||
12. మూడవ దినమందున యేసుండు మృతి గెల్చి లేచినాడు
నాడు నమ్మిన మనుజులు - చూచిరి - నలువది దినములందున్‌ ||దేవుని||
13. పదినొకండు మారులు వారలకు - ప్రత్యక్షుడాయెనేను
పరలోకమునకేగెను - తన వార్త ప్రకటించమని పల్కెను ||దేవుని||
14. నమ్మి బాప్తిస్మ మెందు - నరులకు - రక్షణ మరి కల్గును
నమ్మనొల్లక పోయెడు - నరులకు నరకంబు సిద్ధమనెను ||దేవుని||