దొరకుతావురా సహోదరా! దొరుకుతావురా, నీవు
తరిమి తరిమి కీడుచేయ పరుగులెత్తినగాని తుదకు ||దొ||

1. చిన్న చూపు చూచి తమ్ముని కన్నెఱుంగక చంపినగాని
అన్న కయీను దేవుని హస్తమునకు దొరికిన రీతిగా ||దొ||

2. వరములొందిన తమ్ముని జంప వలయునని పంతముగబట్టి
నరకవచ్చిలోబడి యేడ్చిన దురిత చరితుని యేశావువలె ||దొ||

3. భక్త దావీదును బట్టి ప్రాణము దీయగ దలచిన తన
శక్తితో తరిమిన రాజగు సౌలు దొరికినరీతిగాను ||దొ||

4. విగ్రహమునకు మ్రొక్కని దైవ పిల్లల నగ్నిలోపడవైచి
ఆగ్రహించిన నెబుకద్నెజరు గడ్డిమోసి దొరికిన విధముగ ||దొ||

5. క్రైస్తవులను బట్టి కొట్టి ఖైదులో వేయదలచినను
వాస్తవమగు వెలుగును జూచి ప్రభుని చాటిని పౌలుబోలి ||దొ||

6. కీడుచేయబోకు మెపుడు కీడు నీకే కీడు కీడు
కీడు చేసినమేలుచేసి కీడును జయింపకపోతే ||దొ||

7. మాటలు కుదిరితే మాటలు కోటలు కుదురును నీకు
మాటలలో లోటుంటే నోటిమాట తప్పకుండ ||దొ||

8. దొంగతనము వ్యభిచారమునకు లొంగి శాపగ్రస్తులునై
దొంగిలించిన దశమభాగమే లొంగుట కారణమని తుదకు ||దొ||

9. కొంతయిచ్చిన దశభాగ మంత యిదియని తప్పుకున్న
కొంతయిచ్చిన కయీనువలె కొంతయిచ్చిన అననియవలె ||దొ||

10. చెడుగుచేసి బదులు దానిని చేసినారని చెప్పమన్న వడిగ
దేవుని న్యాయమనెడి పరమత్రాసులో నిలువండి ||దొ||