ఈ గుడియందు ప్రవేశింపన్ యేసుని బిలువగ రారండి ఆయన రానిదె
దీవెనలు ఆశీర్వాదము లరుదగును ||ఈ గుడి||

1. ఆకా శము మన దేవునికి అత్యున్నత సింహాసనము పాదములకు యీ
భూమియును పీఠముగా నొప్పును సుమ్ము ||ఈ గుడి||

2. ఆయన సన్నిధి కాంతియె యీ ఆలయమంతట నిండుకొనన్ ఆయన
యాత్మ సహాయమున ఆరాధనలను జరుపుటకై ||ఈ గుడి||

3. నిర్మలమైన సువార్తను బో ధింపగ సాయము జేయుటకు బోధకు లైన
సువార్తికుల బోధను నాటగ జేయుటకు ||ఈ గుడి||

4. ప్రార్థన విశ్వాసాయుతమౌ భక్తిని నేర్పెడి నిలయముగ భక్తులు దేవుని
సన్నిధిలో బాగుగ స్థిరపడ జేయుటకు ||ఈ గుడి||

5. ఈ పట్టణమున వెలుగుటకు ఈ ప్రజలందరి రక్షణకు ఈ గుడి యీ
సభ బలపడుచు సాగుచు వృద్ధిని జెందుటకు ||ఈ గుడి||

6. బాప్తిస్మము నిర్ధారణలు ప్రభు భోజన సంస్కారములు బాగుగ
జరుగుచుండుటకు భక్తిని పెంపొదించుటకు ||ఈ గుడి||

7. తండ్రి కుమార శుద్ధాత్మకు తావుగ నీ గుడియుండుటకు త్రేకుని దీవెన
వర్షములు దీనిపై నిరతము కురియుగాక ||ఈ గుడి||