ఈయన మాట వినుడి - నేడు - ఈయనే నా ప్రియ కుమారుడు
1. ఈయనే నా ప్రియ కుమారుడు - శాపముతీర్చెడు పాపరహితుడు
దైవకుమారుండీయనే
2. ఈయనమాట నిరాకరించెడివారు - తప్పించుకొనరు దైవదండనను
దహించబడుదు రెల్లప్పుడు
3. మహిమగల రాజు మాట నిచ్చెను - ఇహమందాయన మాటను దెల్ప
మహాసైన్యము లేచెను
4. పరలోక దేవుని దర్శనమునకు - స్థిరులై యుండెదము మరలక మనము
విధేయులై వికసింతుము
5. దాసుని స్వరూపమును దాల్చెను - మరణము పొందునంత విధేయుడై
రిక్తుడుగ మరణించెను
6. పరమందునుండు వారిలోగాని - భూమి యందును - భూమిక్రిందైన
పూజనీయుడీయనే
7. సర్వశక్తిగల ప్రభువునకు - స్తోత్రము ఘనత మహిమ ప్రభావము
నిత్యము కల్గును గాక