ఎవని అతిక్రమములు మన్నింపబడెనో
పాపపరిహార మెవడొందెనో వాడే ధన్యుండు

1. యెహో వాచే నిర్దోషిగా తీర్చబడియు
ఆత్మలో కపటము లేనివాడే ధన్యుండు ||ఎవని||

2. మౌనియై యుండి దినమెల్ల నే జేసినట్టి
ఆర్తధ్వనిచే నా యెముకలు క్షీణించెను ||ఎవని||

3. దివారాత్రులు నీ చేయి నాపై బరువైయుండ
నా సారము వేసవిలో ఎండినట్లాయె ||ఎవని||

4. నేను నా దోషమును కప్పుకొనక
నీ యెదుట నా పాపమును ఒప్పుకొంటిని ||ఎవని||

5. నీ సన్నిధి నా పాపముల నొప్పుకొనగా
నీవు నా దోషమును మన్నించితివిగా ||ఎవని||

6. కావున నీ దర్శనకాలమందు
భక్తిగలవారు నిన్ను ప్రార్థించెదరు ||ఎవని||

7. విస్తార జలప్రవాహము పొర్లినను
నిశ్చయముగ అవి వారి మీదికి రావు ||ఎవని||

8. నాకు దాగుచోటు నీవే శ్రమలోనుండి
నీవు నన్ను రక్షించెదవు నాదు దుర్గమా ||ఎవని||

9. విమోచన గానములతో నీవు నన్ను
ఆదరించి నాకుపదేశము చేసెదవు ||ఎవని||