గాయములన్ గాయములన్ - నా కొరకై పొందెను క్రీస్తు ప్రభు
1. సురూపమైన సొగసైన లేదు - దుఃఖ భరితుడాయెను
వ్యాధిగ్రస్తుడుగా వ్యాకులమొందెన్ - వీక్షించి త్రిప్పిరి ముఖముల్
2. మా రోగములను మా దుఃఖములను - మనకై తానే భరియించె
మొత్తబడెను బాధించబడెను - యెంతో శ్రమనొందె మనకై
3. మా అతిక్రమ క్రియలను బట్టి - మరి నలుగగొట్టబడెను
తాను పొందిన దెబ్బలద్వారా - స్వస్థత కలిగె మనకు
4. పాపంబు కపటంబు లేదు ప్రభునందు - మౌనము వహియించె మనకై
ప్రాణంబు మనకై ప్రియముగా నర్పించె - ప్రభువే ఘోర సిలువపై
5. క్రీస్తు ప్రేమను మరువజాలము - యెంతో ప్రేమించె మనల
సిలువపై మేము గమనించ మాకు - విలువైన విడుదల గలిగె