గొప్పదేవా యెహోవా సృష్టికర్త  (2)
నీకసాధ్యమైనది ఇల లేనేలేదయ్యా (2)
నీ మాటకు ప్రభావం ఉన్నది  (2)

1. ఆకాశముల్ ఈ సృష్టియంత నీ మాట మహిమే
మా ఆత్మయు మా జ్ఞానమంతా నీ దయయే (2)
ఆశ్చర్యకరుడా అనంతజ్ఞాని –
అతిశయమే నిన్ను కలిగుండుట (2)
ప్రభావముగల దేవా యెహోవా దేవా  || గొప్పదేవా ||

2. పాపములో పొర్లాడినా మమ్మును పవిత్రపరచి
శుద్దులుగా నిబంధన ప్రజలుగా రూపించిన  (2)
కృపామయుడా విమోచకుడా –
సజీవుడా పరిశుద్దుడా  (2)
పాపుల రక్షక మా యేసు రాజా  || గొప్పదేవా ||

3. హృదయమనే ద్వారమునుండి లోనికి వచ్చి
కఠినమనస్సును కరుణమనస్సుగా మార్చితివే (2)
సత్యస్వరూపి అదృశ్యదేవుడా –
క్రియాశీలి సర్వశక్తిదాత (2)
ఆదరించే దేవా పరిశుద్దాత్ముడా  || గొప్పదేవా ||