ఇడుగో గొఱ్ఱెలకాపరి సోదరులారా యిడుగో గొఱ్ఱెలకాపరి కడగానరాని
కారడవిలో నలసట పడెడు గొఱ్ఱెలను పేరిడిబిల్చి రక్షించు ||నిడుగో||

1. చెదిరిపోయిన గొఱ్ఱెనై దొడ్డికిఁబోవ ముదములేనివాడనై
మృదుమధురంపు నీ నాదమా లించక కర్త కొదిఁగి యుండక మూఢ
హృదయుఁడనైతి ||నిడుగో||

2. దూరంబునకుఁబోతిని జనకుని కృపా సారంబుఁ గొననైతిని కారు
మూర్ఖపుపిల్ల గా సంచరించినా కూరిమి యిలుఁబాసి దారి దొలగిపోతి
||నిడుగో||

3. తనదు గొఱ్ఱెను జూచెను బోయఁడు తండ్రి తనశిశువును గాంచెను
కనికరమెదలో నిం డినవారలై నన్ను వన గిరికటకాదు లను వెంబడించిరి
||ఇడుగో||

4. ప్రాణావసర మప్పుడు యేకాకినై క్షీణించియున్నప్పుడు త్రాణార్థమగు
నెనరు త్రాళ్లతో ననుగట్టి నాణెంబుగా(దెచ్చి నన్ను రక్షించెను ||ఇడుగో||

5. చెడుగు మెకములవల్లను బాధలనొంది కడుమలినమై యుండను
కడిగి గాయములన్ని గట్టి శుభ్రముచేసి తడయక నాయింట నిడి
నెమ్మది యొసంగె ||నిడుగో||

6. ప్రభుయేసు నా బోయఁడు యీతఁడె భూమి నభము లేలెడి రాయఁ
డు శుభమైన తనదివ్య శోణిత మొసఁగియ వ్విభుఁడు ప్రేమించి దీ
వించి స్వస్థముఁజేసె ||నిడుగో||

7. నన్ను దొడ్డిని బెట్టెను పోయినగొఱ్ఱె తెన్ను వెదకిపట్టెను సన్నంపు
పచ్చిక యున్ను జీవనపూట లున్నుఁ గల్గెడిచోట్ల నన్నుంచి రక్షించె
||నిడుగో||

8. నేను మూర్ఖపుగొఱ్ఱెనై లోబడకుంటి మానసమున వెర్రినై పూని
యిప్పుడు కాచే వాని శబ్దము ప్రేమ తో నాలింపుచు దొడ్డి
నానందముననుందు ||నిడుగో||

9. చెడ్డబిడ్డనై యుంటిని యిటునటుబోవ నెడ్డెతనముఁ గొంటిని
మెడ్డులేకిపుడు ప్రే మింతు నా ప్రియజనకు దొడ్డ శబ్దము వాంఛిం
తును ముక్తి నిలయంబు ||ఇడుగో||