కల్వరి గిరిజేరు మనసా సిల్వ సరస ||కల్వరి||

1. సిలువపై జూడు మదేమి శ్రీ కరుడు ప్రభుయేసు స్వామి తలను ముండ్ల
కిరీటంబదేమి తరచి చూడుమీ ||కల్వరి||

2. పరులకుపకారంబు సల్ప ధరను వెలసిన వరపాదముల కఱకు మేకులు
గొట్టెద రేల కరుణాలవాల ||కల్వరి||

3. కరముపట్టి దరిని జేర్చి వరములిడి దీవించిన యా కరుణగల చేతులలో
చీల గుచ్చెద రేల ||కల్వరి||

4. ప్రేమ,కృప,నిర్మలత్వమును నీమమును గల మోముపైన పామరులుమి
వేసెదరేల పాటించరేల ||కల్వరి||

5. ఘోర యాతనలును నీదు క్రూరమరణము చూడ గుండె నీరు నీరైపోవదె
దేవ క్రూరునికైన ||కల్వరి||

6. పాపమేమిచేసి యెరుగవు పావన పరమదేవుడవు ఓ పరాత్పర నీకేమి
యింత ఉత్కట బాధ ||కల్వరి||

7. స్వామి మాకై పూటపడను నీ ప్రేమయే కారణము నిజము భూమి
యది గుర్తింపగ నిమ్ము పూజ్యుండ దేవ ||కల్వరి||

8. పావనాత్మ నీవు జావ పాపి కబ్బును నిత్యజీవ మావచన సత్యంబు
దెల్పుము మానవాళికిన్ ||కల్వరి||

9. సిలువ దరికాకర్షించుము ఖలుడను ఘోరపాపిని కలుషములు విడ
శక్తినీయుము సిలువ ధ్యానమున ||కల్వరి||