క్రైస్తవకర్షక కదిలిరావయ్యా
కన్నులు తెరచి కానవేమయ్యా

1. మనుష్యకుమారుడైన క్రీస్తుయేసు మంచివిత్తనమును
విత్తెమున్న భూలోకంబనెడు పొలంబునందున
వాక్యంబనె విత్తనంబు విత్తెను ||క్రైస్తవ||

2. ఆదిమ క్రైస్తవ బోధకుల వేదనతోను వాక్యంబు విత్తె
రోదనతోను రక్తంబును గార్చి ప్రాణంబులను
దానంబుజేసిరి ||క్రైస్తవ||

3. చల్లిన వాక్యము ఫలియింపను తొలకరి వర్షము
గురిపించెను విలువైన ఫలములు ఫలియించువరకు
కడవరి వర్షము కొరకు వేడుదం ||క్రైస్తవ||

4. పొలములు తెల్లబారె తేరిచూడు కాలము చాల
గతించిపోయె కోతయజమా నుడైన క్రీస్తుని
కోతవారిని పంప కోరివేడుదం ||క్రైస్తవ||

5. శత్రువగు సాతానుకూడా చెడ్డవిత్తనాలు చల్లిపోయె
గోధుమల మధ్య గురుగులు కూడ ఘోరంబుగాను
పెరుగుచుండెను ||క్రైస్తవ||

6. కన్నీళ్ళతో విత్తు క్రైస్తవుడా కలవర మొందెద
వెందులకు సంతోషముతో సంగీతాలతోను
సాగిపోవుదుము ఆగిపోకను ||క్రైస్తవ||