క్రీస్తు ప్రభుని ప్రత్యక్షతలను వివ రించెద వినరే ప్రియులార వాస్తవముగ
మరణించి బ్రతికెనని వసుధలోఁ బ్రకటింపరె యూరూరఁ ||గ్రీస్తు||

1. మరియ మగ్దలేనెకుఁ బ్రథమంబున మన గురువర్యుం డగపడియెఁ
తరుణీమణులకు రెండవ మాఱొక దర్శనము దయతో నిడియెఁ ||గ్రీస్తు||

2. సీమో నను పేతురును గూడ ద ర్శించె నతఁడు మూఁడవ మాఱు
ప్రేమతోడ నిమ్మాయి శిష్యులకుఁ బ్రియ మొనరించె మఱొక తీఱు ||క్రీస్తు||

3. తోమాలేని తరుణమునఁ బదుగురి తో వచించె గృహమునఁ జేరి
తోమాకు కనపడి యతని సంశయముఁ దొలఁగించెను బ్రభుఁ డొకసారి
||క్రీస్తు||

4. సందరంపు దరి నేడుగురికి మ త్స్యంబులు వింతగ సమకూర్చె
సందర్శించియు యాకోబునకును సంతోషము నెంతయుఁ గూర్చెఁ ||క్రీస్తు||

5. ప్రభుఁ డొక మాఱే నూరుగురిఁ దాఁ బ్రత్యక్షుం డయ్యెను పేర్మి నషయ
మొసంగి యపొస్తలులకుఁ క్రీ స్తారోహణుఁ డయ్యెను గూర్మిఁ ||క్రీస్తు||

6. హత్యఁ జేయు నేగెడు తార్సీయున కగపడి రక్షించెను సుమ్ము
మృత్యుంజయు డిప్పుడు మన కాత్మలో దృశ్యుం డగు నిది సత్యమ్ము ||క్రీస్తు||