మనస్సార కృతజ్ఞత లిడుచు ఘనంబు చేయు ప్రభున్
1. విరివిగ నాశీర్వాదము లొసగున్
మరువకు యేసుని యుపకారం
ధర నీకున్నది దేవునిదే యని
కోరిన ప్రబుకిడు త్వరపడుచు - ఘనంబు
2. దర్శించిన నీ దయగల ప్రభువునకు
హర్షముతో కొట్లను విప్పి
విరివిగ మురియుచు ప్రభునకు అన్నియు
అర్పించి కొనియాడెదము - ఘనంబు
3. తనయునిలో మన కన్నియు నిడెను
మనలను ముందే తనకిడెను
పానార్పణముగ ప్రభుకర్పించి
కాలంబంతయు గడిపెదము - ఘనంబు
4. సంతసముగ నిడుటే ప్రభు చిత్తము
ఎంతో మెళకువతో నుండి
చింతింపక నిడుటే సరియర్పణ
వింతగు వృద్ధిని పొందెదము - ఘనంబు
5. పిసినితనంబుగ దోషార్పణ నిడ
వాసము చేయును లేశములు
యేసునికి నీ జీవనమియ్యను
శాసనమిదె ప్రభుదని యెరుగు - ఘనంబు
6. ఘనపరచును ప్రభు - మనస్సారగ నిడ
కానుకగా బలకాలములు
మన కెన్నో తన గుణముల నిడి
ఘనమును బలమును ప్రభువొసగున్ - ఘనంబు
7. మకెదొనియ సంఘము వలె నీకు
సకల ఇక్కట్లుండినను
శక్తికి మించి సాగిన గాని
మక్కువగా నిడి మనమిలను - ఘనంబు