మారని దేవుడవు నీవే యేసయ్యా
నిరతము నాతోడు ఉన్నావయ్యా  (2)
నిబందనలెన్నో నాతో చేసితివి
నూతన కృపతో నింపితివి  (2)
అర్పింతును నా స్తుతి దీపిక
అందుకో నవరాగ గీతిక  (2)  || మారని దేవుడవు ||

1. నా భారమంతయు భరియించితివి
కృపా ఐశ్వర్యముతో అవసరాలు తీర్చితివి  (2)
సమృద్ధి శీలుడా సౌశీల్యవంతుడా
నీ కృపా బహుళ్యముతో నన్ను దీవించితివి  (2)
                                   || అర్పింతును నా స్తుతి ||
2. నా క్షేమము కోరి నా గూడు రేపితివి
పక్షిరాజువలెను రెక్కలపై మోసితివి  (2)
ప్రగతి శీలుడా ప్రణాళిక నాథుడా
నీ కృపా దాతృత్వముతో నన్ను స్తిరపరచితివి  (2)
                                   || అర్పింతును నా స్తుతి ||
3. నీ వదనము చూచి తృప్తి చెందితిని
నా సదనము నీవై క్షేమమునిచ్చితివి  (2)
ఆనంద నిలయుడా సంక్షేమానాథుడా
నీ రాజ సౌధములో సౌగాంధమిచ్చితివి  (2)
                                   || అర్పింతును నా స్తుతి ||