మేల్కొనుమా, మేల్కొనుమా నా ప్రాణమా
యోచించుమా, మాటవినుమా పొందెదవు సర్వమున్
1. యేసు పాదముల యొద్దకురా యేసు కర్పించు నీజీవితము
నీ విపుడే (2) యెరుగు దీనిన్ - జ్ఞానము పొందెదవు
2. జీవాహారము భుజించుమిపుదే జీవితమందు శక్తిని పొందు
నీ విపుడే (2) యెరుగు దీనిన్ - జయమును పొందెదవు
3. సర్వమున్ ప్రభువుతో నారంభించి - సర్వమున్ ముగించు మాయనతో
నీ విపుడే (2) యెరుగు దీనిన్ - ప్రభువే గొప్పవాడని
4. ఎవ్వరు ప్రభుసేవ చేసేదరో - ఎవ్వరాయనతో నడిచెదరో
నీ విపుడే (2) యెరుగు దీనిన్ - పొందెదరు జీతమున్
5. తుఫాను మధ్య నీవుండినను - ధైర్యముగ నీవు నడువవలెన్
నీ విపుడే (2) యెరుగు దీనిన్ - విశ్రాంతి పొందెదవు
6. నిద్రించి పొందకపోయి రేమియున్ - కలిగినదాని పోగొట్టుకొనిరి
నీ విపుడే (2) యెరుగు దీనిన్ - లేచి పొందు ఘనత
7. అంతము వరకు స్థిరముగ నుండిన - పొందెదవు ప్రభువిచ్చు ఘనత
నీ విపుడే (2) పొందెదవు - జీవకిరీటమును