మేలుకో! మహిమ రాజు
వేగమే రానై యున్నాడు (2)

పరమునుండి – బూర ధ్వనితో
అరయు నేసు – ఆర్భాటముతో (2)
సర్వలోకము – తేరిచూచును
త్వరపడు ఓ ప్రియుండా (2)       ||మేలుకో||

గురుతులెల్ల – ధరణియందు
సరిగ చూడ – జరుగుచుండ (2)
చిరునవ్వుతో – చేరి ప్రభుని
త్వరపడు ఓ ప్రియుండా (2)       ||మేలుకో||

క్రీస్తునందు – మృతులెల్లరు
కడబూర – మ్రోగగానే (2)
క్రీస్తువలె – తిరిగి లేతురు
లేతువా? నీవు ప్రియుడా (2)       ||మేలుకో||

అరయంగ – పరిశుద్ధులు
మురిసెదరు – అక్షయ దేహులై (2)
పరమందు – ప్రభుక్రీస్తు
నిరతము – ఓ ప్రియుండా (2)       ||మేలుకో||

కరుణలేని – ఓ మరణమా
నిరతము నీకు జయమగునా (2)
మరణ సంహా – రుండేసు
త్వరగా – రానై యున్నాడు (2)       ||మేలుకో||

మాంసలోక – పిశాచాదులు
హింస పరచ – విజృంభించిన (2)
లేశమైనను – జడియకుము
ఆశతో – కాచుకొనుము (2)       ||మేలుకో||

పాపమును – చేయకుమా
రేపకుమా – దైవ కోపమును (2)
శాపమును – తప్పుకొని
శ్రద్ధతో – కాచుకొనుమా (2)       ||మేలుకో||