మేము వెళ్లిచూచినాము స్వామి యేసుక్రీస్తును ప్రేమ మ్రొక్కి వచ్చినాము
మా మనంబులలరగ ||మేము||

1. బేదలేము పురములోన బీద కన్యమరియకుఁ బేదగా సురూపుఁ దాల్చి
వెలసెఁ బశులపాకలో ||మేము||

2. జ్ఞానులమని గర్వపడక దీనులమై నిత్యము వాని ప్రేమ సకల ప్రజకు
మానక ప్రకటింతుము ||మేము||

3. తద్దరిశనమందు మాకుఁ బెద్ద మేలు గలిగెగా హద్దులేని పాపమంత
రద్దుపరచబడెనుగా ||మేము||

4. మరణమెపుడొ రేపొమాపో మరియెపుడో మన మెరుగము త్వరగా
పోయి పరమగురుని దరిశనంబుఁ జేతము ||మేము||

5. హరిశుద్ధాత్మ జన్మ మాకు వరముగా నొసంగెను పరమపురము మాకు
హక్కు పంచెదాను నిరతము ||మేము||

6. మాకు సర్వగర్వమణిగి మంచి మార్గమబ్బెను మాకు నీ సువార్తఁ జెప్ప
మక్కువెంతోఁ గలిగెను ||మేము||