నా హృదయములో నీ మాటలే నా కనులకు కాంతిరేఖలు |2|
కారు చీకటిలో కలువరి కిరణమై
కఠినహృదయమును కరిగించినావు
నీ కార్యములను వివరింపతరమా ?
నీ ఘనకార్యములు వర్ణింపతరమా ?
1.మనసులో నెమ్మదిని కలిగించుటకు
మంచువలె కృపను కురిపించితివి|2|
విచారములు కొట్టివేసి విజయానందముతో నింపినావు
నీరు పారేటి తోటగా చేసి సత్తువగల భూమిగా మార్చినావు
2.విరజిమ్మె ఉదయకాంతిలో నిరీక్షణ ధైర్యమును కలిగించితివి |2|
అగ్నిశోధనలు జయించుటకు మహిమాత్మతో నింపినావు
ఆర్పజాలని జ్వాలగా చేసి ద్వీపస్థంభముపై నను నిలిపినావు
3.పవిత్రురాలైన కన్యకగా పరిశుద్ధ జీవితం చేయుటకు |2|
పావన రక్తముతో కడిగి పరమానందముతో నింపినావు
సిద్ధపడుచున్న వధువుగా చేసి సుగుణాల సన్నిధిలో నను నిలిపినావు