నా కోరిక నీ ప్రణాళిక పరిమళించాలని
నా ప్రార్థన విజ్ఞాపనా నిత్య మహిమలో నిలవాలని (2)
అక్షయుడా నీ కలువరి త్యాగం –
అంకితభావం కలుగ జేసేను
ఆశల వాకిలి తెరచినావు –
అనురాగ వర్షం కురిపించినావు  (2)

నా హృదయములో ఉప్పొంగేనే
కృతజ్ఞతా సంద్రమే
నీ సన్నిధిలో స్తుతి పాడనా
నా హృదయ విద్వాంసుడా  ||నా కోరిక ||

1. యదార్ధ వంతుల యెడల
నీవుయెడబాయాక కృప చూపి
గాఢాందకారము కమ్ముకొనగా
వెలుగు రేఖవై ఉదయించినావు   (2)
నన్ను నీవు నడిపించి నావు –
ఇష్టుడనై నేనడచినందున
దీర్ఘాయువుతో తృప్తిపరిచిన –
సజీవుడవు నీవెనయ్యా     || నా హృదయ ||

2. నాలో ఉన్నది విశ్వాస వరము
తోడై యున్నది వాగ్దాన బలము
ధైర్య పరచి నడుపుచున్నది
విజయసిఖరపు దిశగా   (2)
ఆర్పజాలని నీ ప్రేమతో –
ఆత్మ దీపము వెలిగించినావు
దీనమనస్సు వినయభావము –
నాకు నేర్పిన సాత్వీకుడా    || నా హృదయ ||

3. స్వఛ్చమైనది నీవాక్యం
వన్నెతరగని ఉపదేశం
మహిమగలిగిన సంఘముగా నను
నిలుపునే నీ యెదుట   (2)
సిగ్గు పరచదు ననెన్నడూ –
నీలో నాకున్న నిరీక్షణ
వేచియున్నాను నీ కోసమే –
సిద్ధపరచుము సంపూర్ణుడా   || నా హృదయ ||