నీ సిలువ వలన సంహారమాయెను
అంతవరకున్న ద్వేషం  (2)
తొలగించబడెను మధ్య అవరోధం  (2)
చేసితివి ఉభయులను ఏకం  (2)

స్తోత్రాల ధూపం ఆత్మీయ గానం
యేసూ నీకే అర్పితం  || నీ సిలువ ||

1. జీవాధిపతివైన యేసూ నిను
మరణముగ చేసింది ఆ సిలువయే  (2)
చావునకు లోనైన ఈ పాపికి  (2)
అక్షయత కలిగించెనే    || స్తోత్రాల ||

2. దీవెనల నెలవైన యేసూ నిను
శాపముగ చేసింది ఆ సిలువయే  (2)
శాపగ్రస్తుడనైన ఈ పాపికి  (2)
ఆశీర్వచనమిచ్చెనే   || స్తోత్రాల ||

3. ఐశ్వర్యనిధివైన యేసూ నిను
దీనునిగ చేసింది ఆ సిలువయే  (2)
దారిద్య్రమందున్న ఈ పాపికి  (2)
భాగ్యమును సమకూర్చెనే    || స్తోత్రాల ||

నీ సిలువ వలన Song Audio