నీకు కలిగిన దానిని - చేపట్టుము
జారవిడచెదవేమో - జాగ్రత్తపడు (2)
1. పరమునకు విజయోత్సవముతో - మనము వెళ్ళెదము
పూర్ణ ఫలమును సంతసములో - మనము పొందెదము
2. క్రీస్తు యేసుని స్వీకరించి - ప్రభులో నడచెదము
వేరుపారి స్థిరతనొంది - విస్తరించెదము
3. లోక ఇచ్చలనన్ని మనము - విడచి పెట్టెదము
ప్రభుని చిత్తము నెరిగి లోబడి - నిలిచియుండెదము
4. ఓపికతో పందెములో మనము - పాలు పొందెదము
యేసువైపే దృష్టియుంచి - సాగి పోయెదము
5. చింతలన్నియు ప్రభుని మీదే - మనము వేసెదము
ఆయనే నిరతంబు మనపై - చింతగలవాడు
6. బహు శీఘ్రముగా శ్రీ యేసు - మరల వచ్చును
మనకు కలిగిన నిరీక్షణను - విడువ కుండెదము