నేనును నా యింటివారును నీతి సూర్యుని గొలుతుము దీనమనసును
గలిగి దేవుని దివ్యసేవను జేతుము||

1. అనుదినంబును ప్రభుని దలచుచు అలయకను ప్రార్థింతుము అనవరత
మా ప్రభుని చిత్తము ననుకరింతుము పనులలో ||

2. వేదవాక్య పఠనమందు విసుగు జెందక నుందుము ఆదరంబున
దైవ చిత్తము ననుసరించుచు నడుతుము||

3. ఆశతోడను ప్రభుని దినమును నాచరింతుము మరువక విసుకు జెందక
నాలయమునకు పిన్న పెద్దల దెత్తుము ||

4. సంఘ కార్యక్రమములందు సహకరింతుము ప్రతీతో భంగ పరచెడి
పనులన్నిటి కృంగదీసెదమనిశము ||

5. ప్రేమతోడను పొరుగువారిని ప్రియులుగను భావింతుము క్షమయు
స్నేహము నేర్చి ప్రభుకడ శాంతితో జీవింతుము ||

6. శక్తిగొలది శరీరబలమును శ్రమను క్రీస్తుకు నిత్తుము భక్తితో
హృదయమును పూర్తిగ ప్రభునికే యర్పింతుము ||

7. చిన్నవారలు దైవరాజ్యపు చిఱుత వారసులంచును అన్నివేళల వారి
వృద్ధికి మిన్నగ దోడ్పడెదము ||

8. పెద్దవారలు దైవజనులని పేర్మితో భావింతుము శుద్ధుడగు ప్రభు క్రీస్తు
మనసును శ్రద్ధతోడను జూపుచు ||

9. జీవితంబున ప్రభుని ప్రేమా శ్శీసులను ప్రసరింతుము దివ్యజ్యోతుల
రీతి వెలుగుచు దివ్యసన్నిధి నుందుము ||