నేర్చుకొనరే యేసువాడుక లనుదినము మీ బ్రతుకునందున
నేర్చుకొనిన మీరలాయన జనముగ నొప్పుదురు ఇలలో ||నేర్చుకొనరే||

1. ఆలయ ఆరాధనలకు బోయెడియలవాటుగలిగియు చాలమారులు
ఆలయమునకు అరగిన యా ప్రభుని వాడుక ||నేర్చుకొనరే||

2. దేవవాక్య పఠనమందున దీక్షగలిగియు మరియ సుతుడు దివ్యముగ
నా గ్రంథ పఠనము జేసినవిధంబు మీరలు ||నేర్చుకొనరే||

3. పరమ తండ్రికి ప్రార్థనలు ప్రతివేళ జేయుట పరమవిధియని మరువకను
ప్రార్ధించి మనలను నిరతమును ప్రార్ధింపమనెను ||నేర్చుకొనరే||

4. బీద పాపులు బాధితులు బంధింపబడిన వారి కెల్లను ఆదరము
జూపించి మేలును జేసిన విధంబు మీరలు ||నేర్చుకొనరే||

5. సువార్త ప్రకటనజేయుట సుభాగ్యముగ దానెంచి యీ భువి సేవలో
సువార్త జాటుచు సంచరించిన యేసు వాడుక ||నేర్చుకో||

6. అక్కరలలో దన్నుజేరి మక్కువతో బ్రార్ధించి వేడిన పెక్కు జనముల
యక్కరలను జక్కగ దీర్చిన విధంబును ||నేర్చుకొనరే||

7. దైవచిత్తము దీర్చుటయే తన ధర్మ విధిగ నెరిగి యాయన ధరణిలో నా
ధర్మమునకై మరణమొందిన విభుని మాదిరి ||నేర్చుకొనరే||