నేర్పించుము దేవా ఆత్మీయ జీవితం
నడిపించుము నన్ను నీ అడుగు జాడలలో  (2)
కుడి ఎడమలు నన్ను తొలగనీయక
లోక మాలిన్యమే అంటనీయక  (2)

నా గమ్యము నీవే యేసయ్యా
నిన్ను చేరాలని నాలో ఆశయ్యా
                                         || నేర్పించుము ||
1. అంతుచిక్కని ఈ అరణ్య మార్గములో
దైవరహస్యములు వినిపించుము  (2)
అల్లరిమూకల సమూహము నన్ను తరిమినను
నిర్మలమైన హృదయముతో నీతో నడుపుము  (2)
                                          || నా గమ్యము ||
2. కలతలు నన్ను కలవర పెట్టినను
ఆత్మీయత నాలో చెదరనీయకుము  (2)
ఆవేదనలు నాలో నిండియున్నను
ఆనందము నాలో విడిపోనియకుము  (2)
                                          || నా గమ్యము ||
3. విజయ ఘనతలో ఉప్పొంగనీయక
దీన మనసుతో ఒదుగుట నేర్పుము  (2)
శిల లాంటి నాలో నీ జీవము నింపి
నీ ఆశయాలు నాలో నెరవేర్చుమయా  (2)
                                          || నా గమ్యము ||