నిదురఁ బోయినట్టి నీ పాద సేవకుని సదయుఁడగు తండ్రి చక్కగా
దాచు సదమలంబగు లోకమున నీ సదనమందునఁ జేర్చి శుద్ధుల
వదల కెప్పుడు వారితో నీ పదయుగంబుల సేవఁగోరుచు ||నిదురఁ||

1. ఇతఁడీలోకమందు నీవొసంగిన పని హితమతి నొనరించె యేసుని
కృపను సతతమును బాపంబుతోడను జాల యుద్ధ మొనర్చి బ్రదుకును
నతిముదంబున నీకు నిరతము నుతు లొనర్చెడు నాశఁబూనుచు ||నిదురఁ||

2. సన్నిధిఁ జేరిన సకల వరభక్తుల కన్నీరు దుడుతువు కరుణ మీరంగ
నిన్ను నమ్మినవారి నడువడి నీవు తేటగ నెఱింగా వారికి జెన్ను గను
దీర్చె దవు న్యాయము సన్నుతింపగ సజ్జనావన ||నిదురఁ||

3. మరణ కాలంబున ధరలోఁ క్రీస్తుని సిలువ దిరముగఁ జూచిన
నరులందఱు వరదుఁడగు రక్షకుని దయచే జిరపురము నిక్కముగఁ జేరుచు
గరము నేర్తురు ప్రేమ నచ్చటఁ దరతరంబులు గడుచుచుండగ ||నిదురఁ||

4. పరిశుద్ధుఁడగు దేవ పాదసన్నిధిలోనఁ బరిపూర్ణానందము పాదు
కొని యుండు నరక బలములు చెరుపనేరవు పరమ జనకుని సుతుల
నెమ్మదిఁ జిరదయాళుఁడు గాచు వారల నిరతమును దన యాత్మ బలమున
||నిదురఁ||

5. యేసుబాధుని నమ్మి యిలను విడిచినవారు భాసిల్ల లేతురు ప్రభుశక్తి
నిలను భాసురంబగు దేహములు తన దాసు లందఱి కిచ్చి మోక్షని
వాసులముగాఁ జేసి వారల యాస దీర్చును మాటఁ దప్పక ||నిదురఁ||