నిన్ను నేను విడువను దేవ నీవు నను దీవించు వరకు నిన్ను నమ్మినవారల
నెల్ల నీవు చక్కఁగ దీవించెదవు ||నిన్ను||

1. నేను శత్రువునై యుండంగ నీవు నాపై నెనరు జూపి దాన మిచ్చితివి
నా కొరకు దారుఁడౌ నీ ప్రియ పుత్రుని ||నిన్ను||

2. త్రోవ దప్పి తిరుగుచుండ దుడుకునైన నన్ను ఁ గాంచి ప్రోవ(గోరి
మదిని నీవు త్రోవను బెట్టితివి నన్ను ||నిన్ను||

3. నాఁటనుండి నేఁటి వరకు నాకుఁ గల్గిన శోధనములలో నేటుగా
ననుఁ గాచిన వాఁడవు నీవు గావా, ఓ నా తండ్రి ||నిన్ను||

4. ఇంత కాలము నన్నుఁ గాచి యిఁకను నన్ను విడువ వనుచు సంత
సించి మదిని నేను జక్కఁగ నీ దరి జేరితిని ||నిన్ను||

5. నీవు గాక యెవరున్నారు నేలపైని ననుఁ గాపాడఁ చేవ లేని నాకు నీవు
చేవ గలుగఁ జేయఁ గలవు ||నిన్ను||

6. అడుగు వారి కిచ్చెద నంచు నాన తిచ్చినావు గాన నడిగెద నిను
సాహాయ్యంబు నాత్మమై యున్నట్టి తండ్రి ||నిన్ను||

7. నాదు ప్రార్థన లన్నియి నీవు నీదు కృపచే నాలకించి నీదు సరణిని నిల్పి
నన్ను నేర్పు దనరఁగ రక్షించితివి ||నిన్ను||