పాడుదును క్రీస్తు పేర పదము నెంతో వేడుదు నా దివ్యాగురు నివ్విధముఁ
జూడఁజూడ మదిలో నెంతో వేడుకగా మీఱె వింత ఱేడుఁ బోలినవా
డిహ లేఁడు లేఁడందు నహహా ||పాడుదును||

1. పెక్కు పాపములలోన మణఁగి నాదు తక్కువ బుద్ధిచే నందణఁగి దిక్కు
గానక నుండు వేళ దిక్కయి చనుదెంచి మరల గ్రక్కున కరముఁ జూచి
చక్కికిఁ జేర్చి ప్రోచె ||పాడుదును||

2. మోసపు లోక వాంఛలను వట్టి యాశలతోఁ గూడికొన్న కలలు
రోసితిఁ గాన వాని యేసుతోఁ గూడుకొంటి వీసమైనను లేమి లేశము
లేదనుస్వామి ||పాడుదును||

3. పాయ నెన్నటికిని వాసిగాఁ బాస త్రోయను త్రోయను యని చేసెగా
రోయక న న్నావిభుఁడు సాయమై రక్షించు నెపుడు నా యనీతి భయములు
మాని యాయనే జయంజయమని ||పాడుదును||

4. చాలు చాలు పాపమా నీ చెలిమి నిత్య కాలము గలిగించు మృత్యుకలిమి
యేలికైన నాయిమ్మాను యేలు నాయందు దయను మేలిమి
నగుపరచినట్టి జాలినేఁ గంటిఁ గాన ||పాడుదును||

5. ధరలో దేనికి భయపడను ఎట్టి తరుణమైనను చేయి విడను
కరుణామయుండు నన్ను కరుణ నేర్పరచి మున్ను మరణమందును వాని
శరణం నాశరణమని ||పాడుదును||