పరిమళతైలం నీవే
తరగని సంతోషం నీలో
జీవనమకరందం నీవే
తియ్యని సంగీతం నీవే

తరతరములలో నీవే
నిత్యసంకల్పసారథి నీవే
జగములనేలే రాజా
నాప్రేమకు హేతువు నీవే  ||పరిమళ||

1. ఉరుముతున్న మెరుపులవంటి
తరుముచున్న శోధనలో (2)
నేనున్నా నీతో అంటూ నీవే నాతో నిలిచినావు
క్షణమైనా విడువక ఔదార్యమును నాపై చూపినావు
నీ మనసే అతి మధురం
అది నా సొంతమే  ||పరిమళ||

2. చీల్చబడిన బండనుండి
నా కొదువతీర్చి నడిపితివి
నిలువరమగు ఆత్మ శక్తి తో
కొరతలేని ఫలములతో
నను నీ రాజ్యమునకు పాత్రుని చేయ ఏర్పరచుకొంటివి
నీ స్వాస్థ్యములో నే చేరుటకై అభిషేకించినావు
నీ మహిమార్థము వాడబడే
నీ పాత్రను నేను ||పరిమళ||

3. వేచియున్న కనులకునీవు కనువిందే చేస్తావని
సిద్ధపడిన రాజుగ నీవు నాకోసం వస్తావని
నినుచూసిన వేళ నాలో ప్రాణం ఉధ్వేగభరితమై
నీ కౌగిట ఒదిగి ఆనందముతో నీలో మమేకమై
యుగయుగములలో నీతో
నేను నిలచిపోదును ||పరిమళ||