పరిశుద్ధం పరిశుద్ధం పరిశుద్ధం బయిన యా పరమ కానానున
కరుగున దెపుడో ||పరిశుద్ధం||

1. పరిశుద్ధమయిన యా యెరుషలేము పురము వర పద్మరాగంపు స్ధిర
పునాదులతోడ పరిఢవిల్లు సువర్ణ ప్రహరియు గోడలు నురురత్న ద్వారంబు
లదిరిగ గల వహహ ||పరిశుద్ధం||

2. ఆ నీతిపురమున నాకాశమున వెల్గు భానుండు శశి కానఁ బడఁ
బోవు దేదీప్య మానంబై విలసిల్లు మానిత గొఱ్ఱియ దానికి జ్యోతియై
తనరుచుండు నహహ ||పరిశుద్ధం||

3. శృంగారమైనట్టి బంగారు వీధులలో చెంగు చెంగున దాఁటు శ్రేష్ట
సమయంబున మంగళ ప్రదమైన మహిమ రాజ్యమునందు రంగైన
ప్రభుయేసు రాజున్ దర్శింతును ||పరిశుద్ధం||

4. తళతళ మెఱసెడు ధవళంపు టంగీలు కళ లీనుచుండంగ గాళ్లార
ధరియించి భళిర భళిర యంచు భక్తాళితో నెపుడు నెళవుగా నుందుము
నిజ రక్షకుని చెంత ||పరిశుద్ధం||

5. భూరి వీణెలు చేతఁ బొల్పుగ ధరియించి సారెకు మీటుచు సంగీత
ములు బాడి శ్రీ రాజా నీకు జో హారంచు ప్రభు యేసు పేరఁ గీర్తింతురు
ప్రియ భక్తులందఱు ||పరిశుద్ధం||

6. కరములు జోడించి శిరముల్ క్రిందికి వంచి వరపీటమును జుట్టి
తిరుగు దూతలఁగూడి పరిశుద్ధం పరిశుద్ధమని నేను పరమ
సంగీతంబు బాడుచుండెద నాహా ||పరిశుద్ధం||