పశుశాలలో నీవు పవళించినావు పరమాత్ముడవు నీవు
పసిబాలుడవు కావు – పసిబాలుడవు కావు (2)

చిరు ప్రాయమందే శాస్త్రులు
సరితూగలేదే బోధకులు (2)
స్థలమైన లేదే జన్మకు (2)
తలవంచే సర్వ లోకము   (2)               ||పశుశాలలో||

స్థాపించలేదే తరగతులు;
ప్రతి చోట చూడ నీ పలుకే (2)
ధరియించలేదే ఆయుధం   (2)
వశమాయే జనుల హృదయాలు (2)     ||పశుశాలలో||

పాపంబు మోసి కలువరిలో;
ఓడించినావు మరణమును (2)
మేఘాలలోనా వెళ్ళినావు   (2)
త్వరలోనే భువికి తరలుచున్నావు  (2) ||పశుశాలలో||