ప్రభుని గృహము ఆయన మహిమతో - పరిపూర్ణముగా నిండెను
1. అపరాధములచే ప్రజలందరును - దేవుని మహిమను కోల్పోయిరి
తన మహిమను మన కిచ్చుటకు - యేసు ప్రభువే బలి యాయెన్
2. కృపా సత్యములు సంపూర్ణముగా - మన మధ్యలో వసించెను
తండ్రి మహిమను తన సుతునిలో - మన మందరము చూచితిమి
3. ప్రభువు యింటిని నిర్మించు చుండె - సజీవమైన రాళ్ళతో
ఆయన మహిమ దానియందుండ - తన సంకల్పమై యున్నది
4. శాంతిరాజు యిల్లు కట్టుచున్నాడు - మానవ హస్తము అందుండదు
క్రయమునిచ్చి స్థలముకొనెను - తాను కోరిన స్థలమదే
5. ప్రత్యేక పరచిన ఆత్మీయ యింటికి తన పునాదిని వేసెను
రక్షణ జీవిత సాక్ష్యము ద్వారా - ప్రభువే సర్వము చేసెను
6. సింహాసనముపై కూర్చున్న ప్రభువే - అణగ ద్రొక్కెను శత్రువును
సంపూర్ణ జయముతో ఆర్భాటముతో - వెలిగించెను తన యింటిని
7. దేవుని యిల్లు ముగించబడగా పైనుండి అగ్ని దిగివచ్చున్
దహించ బడును సర్వమలినము - ఇంటిని మహిమతో నింపును