ప్రభువు దిగివచ్చును పరమునుండి వేగమే
విభుడు తిరిగివచ్చును పరమ వధువుకై
1. ప్రభువు దిగివచ్చు నార్భటముతో - దూత శబ్దముతో బూరధ్వనితో
క్రీస్తునందు మృతులు మొదటనే లేతురు
వారితో నేకమై ప్రభువు నెదుర్కొందువా?
2. వాని వాని పనులనుబట్టి ప్రభువు - సిద్ధపరచిన జీతము తానిచ్చును
తానే త్వరగా వచ్చున్ ఎదుర్కొన సిద్ధమా
సిగ్గుతో భయముతో నుందువా దినమునా?
3. హృదయములో కలవరపడక - క్రీస్తునందు విశ్వాసముంచుడి
శుద్ధులుగ మీరు సిద్ధమనస్సుతోడ
ప్రార్ధన చేయుచు మేల్కొని యుండుడి
4. అనేకుల పాపములను భరింప - ఒక్కసారే క్రీస్తు అర్పించుకొనెను
తనకొరకై వేచియుండు వారికొరకు
పాపరహితుడు తిరిగి ప్రత్యక్షమౌ
5. ప్రొద్దు గ్రుంకి వచ్చునో ఎప్పుడో అర్థరాత్రియో తెల్లవారు ఝామునో
నిద్దుర పోవుచునుండగా వచ్చునో
మేల్కొనియుండుడి మీరు ఎల్లప్పుడు