రాజాధిరాజా రావే - రాజు యేసు రాజ్యమేల రావే
రాజులకు రాజువై రావే - రవికోటి తేజ యేసు రావే
ఓ ... మేఘ వాహనంబు మీద వేగమే
ఓ ... మించు వైభవంబుతోడ వేగమే
1. ఓ ... భూజనంబులెల్ల తేరి చూడగా
ఓ ... నీ జనంబు స్వాగతంబు నీయగా
నీ రాజ్య స్థాపనంబు చేయ - భూరాజులెల్ల గూలిపోవ
భూమియాకాశంబు మారిపోవ - నీ మహాప్రభావమున వేగ
2. ఆ ... ఆకసమున దూతలార్భటింపగా
ఆ ... ఆది భక్త సంఘ సమేతంబుగా
ఆకసంబు మధ్య వీధిలోన - ఏకమై మహాసభచేయ
యేసునాథ! నీదు మహిమలోన - మాకదే మహానందమౌగ
3. ఓ ... పరమ యెరూషలేము పుణ్యసంఘమా !
ఓ ... గొర్రెపిల్ల క్రీస్తు పుణ్యసంఘమా !
పరమదూతలారా ! భక్తులారా ! పౌలపొస్తులారా !
పెద్దలారా ! గొరియపిల్ల యేసురాజు పేర - క్రొత్త గీతమెత్తి పాడరారా