రక్షణ ఔన్నత్యము రక్షకుడే తెలుపును
పర్వత శిఖర శ్రేణులవలెనే నిశ్చలమైనది
1. మలిన వస్త్రమువలెనే - నిండియుంటిమి నిందలతో
తండ్రిమాదిరిగా మము వెదకివచ్చి వింతగా మమ్మురక్షించెను
2. అరణ్య ప్రదేశములో - పాడైన యెడారిలో
కనుగొనెను, పరామర్శించెన్ కనుపాపవలె గాచెన్
3. యాకోబువలె నుంటిమి - ఇశ్రాయేలుగా మార్చెను
తన స్వాస్థ్యముగా, తన భాగముగా తన జనముగానైతిమి
4. పర్వతములను సృజించెన్ - శ్రేష్టమైనవి నిచ్చెన్
అబ్రహాం మోషే ఏలియా యేసు ఎక్కిరి శిఖరములను
5. పక్షిరాజువలె ప్రభువు - రెక్కలతో మము మోయున్
అలసట లేక, మము పట్టుకొని ఆకసమున నడుపును
6. యేసుని సత్యములు - పర్వత శిఖరములు
పరిపూర్ణమగు ప్రభు రక్షణను పరికింప జేయును
7. యేషయా ప్రవచనములు - రక్షణ వివరములు
శిఖర శ్రేణి యనుభవములు శిఖరముపై పొందుము