రాత్రింబవళ్లు పాడెదను
యేసు నామం - క్రీస్తు నామం
1. పురుగు వంటి నరుడ నాకు - ప్రభువు రాజ్య మియ్యదలచి
పరమునుండి ధరకేతెంచి - ప్రాణమున్ బలిగా నిచ్చె
2. ఎన్నిక లేని చిన్నమంద - భయపడకు నీవిలన్
ఘనమైన పరమతండ్రి - రాజ్యమివ్వ నిష్టపడెన్
3. పాప కూపమునందు నేను - పడి చెడి యుండగా
గొప్ప రక్షణ నిచ్చి పరమ - రాజ్యమందు చేర్చెను
4. నీతి హేనుడనైన నాకు - నీతి రాజ్యమివ్వదలచి
నీతి రక్షణ వస్త్రములను - ప్రీతి తోడ తొడిగెను
5. పేరుపెట్టి పిలచినన్ను - పరమ రాజ్యమును తండ్రి
వారసునిగా నన్ను జేసి - వైరినిల సిగ్గుపరచెన్
6. పరమందు దూతలు - వింత పొందునట్లుగా
ఏర్పరచుకొంటివి నరుని - నరుడు ఏపాటి వాడు?
7. దానియేలు షద్రక్ మేషాక్ - అబెద్నెగో యనువారలన్
చిన్నమందగా జేసి - రాజ్యమేల జేసెన్
8. ఎన్ని శ్రమలు వచ్చినను - సన్నుతింతు నా ప్రభున్
ఘనత మహిమ కర్హుడని - హల్లెలూయ పాడెదన్