సరి రారెవ్వరు నా ప్రియుడైన యేసయ్యకు (2)
సర్వము నెరిగిన సర్వేశ్వరునికి
సరిహద్దులు లేని పరిశుద్ధునికి (2) ||సరి||

1. నమ్మదగిన వాడే నలు దిశల
నెమ్మది కలుగ చేయువాడే (2)
నాజీరు వ్రతము జీవితమంతా
అనుసరించినాడే (2)
నాకై నిలువెల్ల సిలువలో
నలిగి కరిగినాడే (2)  ||సరి||

2. ఆరోగ్య ప్రదాతయే సంపూర్ణ
స్వస్థత అనుగ్రహించువాడే (2)
ఆశ్చర్య క్రియలు జీవితమంతా
చేయుచు తిరిగినాడే (2)
నాకై కొరడాల దెబ్బలను
అనుభవించినాడే (2) ||సరి||

3. పునరుత్థానుడే జయశీలి
మృతిని గెలిచి లేచినాడే (2)
శ్రేష్టమైన పునరుత్థాన
బలము ఇచ్చినాడే (2)
నాకై అతి త్వరలో మహిమతో
రానైయున్నవాడే (2)    ||సరి||