సిలువలో వ్రేలాడు ప్రభువే విలువ కందఁగ రాని యీవుల నెలమి
మనకై కొనియెఁగల్వరి నిపుడు సాష్టాంగము లొనర్చుచు ||సిలువ||

1. కొరత చావయినను మరణము వఱకుఁదనుఁ దగ్గించుకొని మన కొఱకు
దాసుండగుచు రిక్తుని కరణి నిట జీవము నొసంగెడు ||సిలువ||

2. తనను నమ్మినవారు చావక యనిశ జీవమునొంది బతుకను దన
స్వపుత్రుని నిచ్చునంతఁగఁ దండ్రి ప్రేమించెను జగంబును ||సిలువ||

3. పాప మెఱుగని వాని మనకై పాపముఁగ నొనరించి దేవుఁడు
శాపగ్రస్తులలోన నొకఁడుగ మా ప్రభుండెంచంగఁ బడియెను ||సిలువ||

4. లోకమాంస పిశాచులని యెడి భీకారుల పొంగుఁ గృంగను శ్రీ కరుఁ
డు మన దేవతనయుం డౌ కృపానిధి దీనుడయ్యెను ||సిలువ||

5. ఘోరయుద్ధముఁ జేసివైరిని గూలఁద్రోసిన తావిదే మన పారమార్ధిక
బలము కిరువగు ధీర శ్రేష్ఠుఁడు దిశలు ఘళ్లన ||సిలువ||
దేశ మిత్తు నని శ్రీకరుం డెహోవా సెలవిచ్చెను ||దశమ||

6. శరణు గలదిఁక పాపకోటికి స్వామి ద్రోహపు శత్రులకు సహ కరుణ
రుధిర కణాగతంబున కలుష రహిత మనంత రక్షణ ||సిలువ||

7. మాకు ప్రేమ సారమయ్యెను మాకు జీవనాధారమయ్యెను మాకుఁ
దృప్తి సునీరమయ్యెను మాకుఁ బరమ విచారమయ్యెను ||సిలువ||

8. నమ్ముదము సైన్యముల ప్రభువును చిమ్ముదము సందియము లాత్మను
క్రమ్ముదము మోక్షపురి బాట సు ఖమ్ము మన హృదయమ్ము లొందను ||సిలువ||