సిలువలో నా కొరకు
వ్రేలాడిన యేసయ్యా
పరిశుద్ధ రక్తమును
చిందించినావయ్యా   (2)
ఏల ఈ ఘోర శ్రమ
ఘనదైవమా నీకు
పాపిని రక్షించుటకు
బలియైతివా(నీవు)  (2)

1. నా పాపయోచనలు
ముండ్ల మకుటమాయెను
నే చేసిన దోషములు
చేతులలో సీలలాయె  (2)
నా చెడు నడతలు
ప్రక్కలో బల్లెమాయె  (2)
నేనే ప్రభు నిన్ను
సిలువకప్పగించినది  (2)  || సిలువలో ||

2. నా పాపభారమంత
సిలువలో మోసితివి
వ్యాధి బాధలన్నియు
నీవే భరియించితివి  (2)
సురూపివి నీవయ్యా
కురూపిగా మారితివి  (2)
ఏమని(నేనేమని) వర్ణింతును
నీ త్యాగ నిరతిని  (2)  || సిలువలో ||

3. నీ సిలువను చూడగనే
మనసు నీరై కరిగెను
నా హృదయం ఎంతో
వేదనతో నిండెను  (2)
ఈ లోకమును వీడి
నిను వెంబడింతునయ్య  (2)
క్షమియించి నీ సాక్షిగ
స్థిరపరచుము యేసయ్యా  (2)   || సిలువలో ||