సిలువలో సాగింది యాత్ర
కరుణామయుని దయగల పాత్ర

ఇది ఎవరికోసమో
ఈ జగతి కోసమే
ఈ జనుల కోసమే

1. పాలుగారు దేహముపైన
పాపాత్ముల కొరడాలెన్నో
నాట్యమాడినాయి నడివీధిలో నడిపాయి
నోరు తెరువలేదాయె ప్రేమ
బదులు పలుకలేదాయె ప్రేమ  || ఇది ఎవరి ||

2. చెళ్ళుమని కొట్టింది ఒకరు
ఆ మోముపై ఊసింది మరియొకరు
బంతులాడినారు బాధలలో వేసినారు
నోరు తెరువలేదాయె ప్రేమ
బదులు పలుకలేదాయె ప్రేమ  || ఇది ఎవరి ||

3. వెనుకనుంచి తన్నింది ఒకరు
తనముందు నిలచి నవ్వింది మరియొకరు
గేలిచేసినారు పరిహాసమాడినారు
నోరు తెరువలేదాయె ప్రేమ
బదులు పలుకలేదాయె ప్రేమ  || ఇది ఎవరి ||

4. దాహమని అడిగింది ప్రేమ
చేదు దాహాన్ని ఇచ్చింది లోకం
చిరకనిచ్చినారు మరి బరిసెతో గుచ్చారు
నోరు తెరువలేదాయె ప్రేమ
బదులు పలుకలేదాయె ప్రేమ  || ఇది ఎవరి ||