సృష్టిపితా సర్వోన్నతా సమర్పింతున్ సర్వస్వమున్

1. భూమి ఆకాశము నీవే భూధర శిఖరములు నీవే భూ ప్రజలు నీవారే
బలశౌర్యములు నీవే ||సృష్టి||

2. మా వెండి బంగారములు నీవే మాకున్న వరములు నీవే మా దేహముల్
మా గేహముల్ మా జీవితము నీవే ||సృష్టి||

3. వెలలేని గాలి వెలుతురులు విలువైన పాడి పైరులు వివిధంబులైన
దీవెనలు నీ కరుణా వర్షములు ||సృష్టి||

4. పరిశుద్ధ గ్రంథపు పలుకులు పాలోక తేనె చినుకులు ప్రభు యేసుని
మాటలు మా వెల్గు బాటలు ||సృష్టి||

5. మాదంత నీదే మహా దేవా మా రాజువయ్యా యెహోవా మా తనువుల్
మా బ్రతుకుల్ మా యావదాస్తి నీవే ||సృష్టి||

6. మేమిచ్చు కాన్క యేపాటిది? యే ప్రేమ నీకు సాటిది? మోక్ష నాధా
యేసుప్రభో అంగీకరించువిభో ||సృష్టి||

7. తండ్రి కుమార శుద్ధాత్ముడా త్రియేక దేవ స్తోత్రముల్ దాత వీవే నేతవీవే
దేవాది దేవుండవే ||సృష్టి||