త్రిత్వమై నిత్యత్వమున నేకత్వమగు దేవా నీ సత్యసామర్థ్యత్వముల
నిజ తత్వము గణించి నిను నిత్యము స్తుతించెదను ||త్రిత్వమై||

1.
ఎల్లలోకంబుల సృజించిన చల్లని తండ్రి నా యుల్లమున నీ గొప్ప వింత
లెల్ల సంతసిల్ల శోభిల్లఁ దలంచెదను ||త్రిత్వమై||

2.
వాసి కెక్కిన పరమరాజ్యని వాసమును విడిన శ్రీ యేసునాధుండను
కుమారా దోషుల దోసంబులెల్లఁ గాచి రక్షించినావు ||త్రిత్వమై||

3.
ఆదరణకారుండ వగు శుద్ధాత్ముడా దేవా యామోద నామము
నంపఁబడి యేసు నాధుని సుబోధ లెల్ల బోధపరచి పాదుకొల్పు ||త్రిత్వమై||

4.
ఓపితా సుతా శుద్ధాత్మ ఒక్క దేవుఁడవు ఎల్ల పాపులను రక్షింప
మిగుల నోపికతో నాపదలు బాపి కృపఁ జూపినావు ||త్రిత్వమై||