త్రిత్వమర్మము నెరిగిన - మిత్రుండా ప్రాణమునిమ్ము
విలువ గలిగిన ప్రభుని - సిలువ భుజముపై మోసి
1. గోధుమ భూమిలోపడిన - బహుగాను ఫలియించును
మోదమున ప్రభుయేసునితో మరణించవలెను ప్రియుడా
2. మహిమ నొందుటకు నీవు సాత్వికుండవు కావలెను
మహిమ స్వరూపిని పోలి - నీవును జీవించవలెను
3. క్రీస్తును ప్రేమను త్రాగి - ఆత్మవశుడవైనచో
సైతాను సహవాసమును - సంపూర్ణముగా వదిలెదవు
4. పొలము దున్నెడువాడు - వెనుక తిరిగి చూడడు
ఇలలో నీవున్నను ప్రియుడా - యిలనే మరచిపోవలెను
5. ప్రాణంబు పోయినగాని - విశ్వాసము విడువ వలదు
ప్రియుడా నీదు ద్వారానే - పృథివి బాగుపడవలెను