విమల హృదయ మిమ్ము విదితంబు నినుఁ గొల్వ యేసునాధా నీదు
విమల రక్తము చేత విశదమౌ యెద నిమ్ము విశ్వనాధా ||విమల||

1. అణఁకువ క్షమశాంత మధికముగ నాకిమ్ము ఆత్మనాధా నీకుఁ
బ్రణుతమౌ నా యెద ప్రభునిపీఠము జేయు మాత్మనాధా ||విమల||

2. నీ చిత్తమే యంచు నీ పాదములఁ బట్టి నిల్చియుందు నిండు
నికరమౌ ప్రకటమౌ సుకరహృదయ మిమ్ము మేసునాధా ||విమల||

3. భయభక్తు లలరెడు భావంబు నా కిమ్ము జీవనాధా నన్ను లయ
జీవములయందు జయశాలినిగఁ జేయు మేసునాధా ||విమల||

4. పరిశుద్ధ హృదయంబు పరమేశ నా కిమ్ము ధరణిమీఁద నన్ని
తరుణములను నాకా దరణ మీవే యంచుఁ దలఁప నాధా ||విమల||

5. నీ రూపము నిమ్ము నినుఁ బోలి నేనుండ నిత్యనాధా నీదు
సారూప్య మెదమీద సంపూర్తిగా వ్రాయు సత్యనాధా ||విమల||

6. ప్రేమపూరిత హృదయ మేమరక నా కిమ్ము ప్రేమనాధా యెంతో
ప్రేమమౌ సుమమౌ నేమమౌ బ్రతుకిమ్ము క్షేమనాధా ||విమల||